उर्लाबारी–९, थक्लुङ चोकमा निर्माणाधीन हस्तबहादुर छाराहाङ राई स्मृति खेल मैदानमा स्थानीय खेलप्रेमीहरूका लागि नयाँ उत्साहका किरणहरू झैँ फैलिएका छन्। हङकङस्थित समाजसेवी राजेन्द्र राईले स्मृति खेल मैदानका लागि दुई थान फुटबल सहयोग पु¥याएका छन्, जसले उक्त खेलमैदानलाई खेल सामग्रीमा थप समृद्ध र आकर्षक बनाएको छ।
उहाँको यो योगदान वुबा डिल्ली बहादुर राई (धाराघरे बाजे) र आमा नरमाया राईको स्मृतिमा समर्पित रहेको छ। यसअघि नै, राजेन्द्र राईले नगद रु २० हजार सहयोग पुर्याइसक्नुभएको तथ्यले उहाँको खेलकुद विकासप्रति गहिरो प्रतिबद्धता र स्थानीय समुदायप्रतिको माया झल्काउँछ।
स्थानीय प्रशासन, खेल संघ तथा समुदायका नेताहरूले यो सहयोगलाई अत्यन्त सराहना गरेका छन्। स्मृति खेल मैदानको निर्माणकार्यले न केवल खेलकुद प्रवर्द्धनमा महत्वपूर्ण भूमिका खेल्ने अपेक्षा गरिएको छ, बरु स्थानीय युवा खेलाडीहरूको मनोबल र प्रतिभालाई उजागर गर्ने माध्यम बन्ने विश्वास गरिएको छ।
यस सकारात्मक कदमले क्षेत्रीय खेलकुद विकासमा नयाँ प्रेरणा र जोश थप्ने अपेक्षा गरिएको छ। आगामी दिनहरूमा पूर्ण रूपमा सम्पन्न भई युवा खेलाडीहरूको लागि प्रेरणाको स्रोत बन्ने यो परियोजना स्थानीय खेलकुदमा नयाँ अध्याय खोल्नेछ।
