९ असोज/ उर्लाबारी
उर्लाबारीमा बुधबार साँझ अटोको ठक्करबाट एक साईकलयात्रु घाईते बनेका छन् ।
बुधबार साँझ करिव ६: २० बजे उर्लाबारीस्थित ॐ सत्य साई पेट्रोल पम्प अगाडी पश्चिबाट पूर्वतर्फ जाँदै गरेको प्र.१.०२.००३ ह ६९४ नम्बरको अटोको ठक्करबाट साईकलमा सवार उर्लाबारी वडा नम्बर ४ आईतबारेका ३५ वर्षिय गोपाल शाह घाईते बनेको ईलाका प्रहरी कार्यालय उर्लाबारीले जनाएको छ ।
टाउकोमा चोट लागेर घाईते बनेका शाहलाई उपचारको लागि अरनिको अस्पतालमा लगिएको छ । यस्तै सो दुर्घटनामा परि अटोमा सवार पथरीशनिश्चरे नगरपालिका वडा नम्बर ७ निवासी ४५ वर्षीया दिल कुमारी शेर्मा सामान्य घाईते बनेकी छिन् । उनको हातमा सामान्य चोटपटक देखिएको प्रहरीले जनाएको छ ।
यता प्रहरीले अटोसहित ५१ वर्षिया चालक जिवेन्द्र राज शेर्मालाई नियन्त्रणमा लिएर अनुसन्धान सुरु गरिएको जनाएको छ ।
