आज बुझाइएको ज्ञापनपत्रमा वर्षायामको सामान्य हावा–पानी परे पनि विद्युत् आपूर्ति अवरुद्ध हुने, बारम्बार दुर्घटनाका कारण जनधनको क्षति बढेको भन्दै तत्काल प्रभावकारी कदम चाल्न माग गरिएको छ । अव्यवस्थित लाइन विस्तार र अस्थायी पोलका कारण उपभोक्ताहरू ठूलो मर्कामा परेको भन्दै दिगो समाधान गर्न प्राधिकरणलाई आग्रह गरिएको हो ।

सो अवसरमा उर्लाबारी वितरण केन्द्रका कार्यालय प्रमुख तथा इञ्जिनियर निरज कुमार साहले समस्या टिपाउन आग्रह गर्दै प्राधिकरण उपभोक्तासँग मिलेर काम गरिरहेको बताए । विद्युत् दुर्घटना रोकथाममा आफूहरू संवेदनशील रहेको र बजेटको अभावकै कारण समस्या देखिएको उल्लेख गर्दै आवश्यकता अनुसार थप छलफल गरेर समाधान गर्ने जानकारी दिए ।